ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

បទសម្ភាសន៏តាមដងវិថី
ទស្សនៈ​របស់ប្រជាពលរដ្ឋជុំវិញ​នឹងការបង្កើតច្បាប់​ប្រឆាំង​នឹង​អំពើ​ពុករលួយ​នៅកម្ពុជា PDF Print E-mail
Wednesday, 17 September 2008 , សរសេរដោយ​ « OFC Editor »   

 

អ្នក​មីង​ដែល​​ជាប្រជាពលរដ្ឋ​មួយ​រូប​​រស់​នៅ​ក្នុង​តំបន់​ដី​ក្រហម​នេះដែរ​ក៏បាន​ឱ្យ​ដឹង​ថា ​អំពើ​ពុករលួយ​មាន​ការ​ប៉ះពាល់​ច្រើន​ណាស់​​ដល់​ប្រជាពលរដ្ឋ​ទូទៅ ក្នុង​មជ្ឈដ្ឋាន​ជីវភាពប្រចាំថ្ងៃសម្រាប់ ការ​ប្រកបមុខរបរ រកស៊ី​ គៀប​សង្កត់ ​ដោយធើ្វ​អ្វី​មួយ​ត្រូវ​ស្ថិត​នៅ​ក្រោម​អំណាច​របស់​ពួកអ្នកមាន​ បុណ្យស័ក្ក ​គេ​ដូច​ជា ​ប្រជាពលរដ្ឋ​ធ្វើខុស​​អ្វី មួយ​បើ​គាត់​គា្មន​លុយ​ទេ​ គឺ​មិន​អាចដោះ​​ស្រាយ​ចេញ​ទេ​។ ​

អ្នក​មីង​បាន​បន្ត​ថា ​ច្បាប់​ប្រឆាំង​អំពើ​ពុករលួយ​មាន​សារៈ​សំខាន់​ណាស់​ដល់​ការ​កាត់​បន្ថយ​អំពើ​ពុករលួយ​ ដូច​នេះ​គួរ​តែ​រដ្ឋា​ភិបាល​​អាណត្តិ​ថ្មី​នេះ​ជួយ​ឱ្យ​​ប្រជាជន​ក្រីក្រ​​មានការ​រីក​ចំរើន​ឡើង​វិញ​ហើយ​លុប​បំបាត់​អំពើ​ពុករលួយ​នេះ​វា​ជាការ​ល្អប្រសើរ​ណាស់​សំរាប់​សង្គម​ជាតិ​យើង​ទាំង​មូល​។ ​

អ្នក​មីង​ក៏បាន​លើក​ឡើង​ដែរ​ថា ​ពួក​គាត់​ចង់​ឱ្យ​មាន​ច្បាប់​ថ្មី​ស្តី​ពីការ​ប្រឆាំង​នឹង​អំពើ​ពុករលួយ​នេះ​ឱ្យ​បាន​ឆាប់​បំផុត​ពីព្រោះ​​ដោយ​សារ​មាន​អំពើ​ពុករលួយ​នេះ​ហើ់យ​ដែល​ធ្វើ​ឱ្យ​ប៉ះពាល់​សំរាប់​អាយុ​ជីវិត​ប្រជាពលរដ្ឋ​ខ្លាំង​ណាស់​។ ​

ទទ្ទឹមនឹង​នេះ​ដែរអ្នក​មីង​ក៏បាន​ប្រសាសន៏​ទៀត​ថា ​ ដើម្បី​ឱ្យ​មាន​ការអនុម័ត​ច្បាប់​ស្តីអំពី​អំពើ​ពុករលួយ​នេះ​ឱ្យ​បាន​ឆាប់​នោះ ប្រជា​ពល​​រដ្ឋ​ទាំងអស់ត្រូវ​តែចូល​រួម​គាំទ្រទាំងអស់គ្នា។

បើទោះបីជាយ៉ាងណាក៏អ្នកមីងបានសំដែងការព្រួយបារម្ភដែរថាក្នុងការអនុវត្តន៏ច្បាប់នេះ ប្រសិន​បើ​ច្បាប់​នេះ​ត្រូវ​បាន​បង្កើត​ឡើង​ដោយ៕​​​​​​​​​

 >>>> "សូមធ្វើការ​ចុចត្រង់នេះដើម្បីទាញយកសម្លេង​ជា MP3"

 
ការ​លុប​បំបាត់​អំពើ​ពុក​រលួយ​ជា​សេច​ក្តី​ត្រូវ​ការ​ធំ​របស់​ប្រជាជន​ PDF Print E-mail
Wednesday, 17 September 2008 , សរសេរដោយ​ « OFC Editor »   

 

បើ​តាម​សំដី​របស់​ប្រជាពលរដ្ឋ​ម្នាក់​ដែល​ប្រកបមុខរបររត់ម៉ូតូឌុប និង​ជា​អ្នក​ភូមិរស់​នៅ​ក្នុង​តំបន់​ដី​ក្រហម​បាន​មាន​ប្រសាសន៍​ឲ្យ​ដឹង​ថា​ សព្វថ្ងៃ​ប្រជាពលរដ្ឋ​ហ៊ាន​និយាយ​ដោយ​​ចំហតែ​ម្តង​អំពី​បញ្ហា​អំពើ​ពុក​រលួយនេះ​នៅ​ចំពោះ​មុខ​អាជ្ញាធរ​​ ​ប៉ុន្តែ​ការ​និយាយ​ គឺ​បាន​ត្រឹម​តែមាត់ប៉ុណ្ណោះ​ ​គេ​មិន​ដែល​ឃើញ​មាន​អាជ្ញាធ័រ ឬអ្នកតំណាង​ណា​ម្នាក់​ធ្វើ​អ្វី​តាម​ការចង់បានរបស់​ប្រជាពល​រដ្ឋ​ចង់​បាននោះ​ទេ​។​

 

អ្នក​រត់​ម៉ូតូ​ឌុប​នោះ​ បាន​មាន​ប្រសាសន៍​បន្តទៀត​ថា​ ​បញ្ហា​អំពើ​ពុក​រលួយ​នៅ​ក្នុង​សង្គម​ខ្មែរ​យើង​បច្ចុប្បន្ន​នេះ​ គឺ​មាន​ផលប៉ះ​ពាល់​ច្រើន​ណាស់​ចំពោះ​សង្គម​ខ្មែរទាំងមូល​ ​ដូច​ជា​នៅ​ក្នុង​ប្រព័ន្ធ​តុលាការ​ ​បើ​មាន​រឿង​ក្តី​អ្វី​មួយ​កើត​ឡើង​ចំពោះ​ប្រជាពលរដ្ឋ​ក្រីក្រ ​គឺ​មិន​អាច​នឹង​ឈ្នះ​គេ​ដែល​ជា​អ្នក​មាន​លុយ​បាន​នោះ​ទេ​។​

 

គាត់​បាន​បន្ត​ទៀត​យ៉ាង​ដូច្នេះ​ថា​ ​កន្លង​មក​នៅ​ក្នុង​តំបន់​ដី​ក្រហម​នេះ​ធ្លាប់​មាន​បញ្ហា​រឿង​ដី​ធ្លី​នេះ​ដែរ​ ​ដោយ​សារ​តែ​មាន​អ្នក​គេ​មាន​លុយគេ​បាន​ធ្វើ​បាប​ប្រជាពលរដ្ឋ​ ​ដោយ​​បាន​ប្តឹង​ប្រជាពលរដ្ឋ​ក្រី​ក្រ​ដែល​រស់​នៅ​ក្នុង​តំបន់​នេះ​ ​ថែមទាំង​វាយ​ធ្វើ​បាប​ប្រជាពលរដ្ឋ​តាម​ទំនើង​ចិត្ត​ ​ដោយ​គ្មាន​ការ​គោរព​ច្បាប់​បន្តិច​ឡើយ។

ទាក់ទិននិងមានការផ្សព្វផ្យាយ និងយុទ្ឋនាការប្រយុទ្ឋប្រឆាំងនិងអំពើពុករលួយប្រមូលស្នាមមេដៃ កន្លងមក។

 

លោក​ពូ​ក៏​បាន​សំដែងនូវចំណាប់អារម្មណ៏ដែរ​ថា​ ​បន្ទាប់​ពី​មាន​អង្គការ​នា​នា​បាន​ចុះ​ធ្វើ​យុទ្ធ​នា​ការ​ប្រមូល​ស្នាម​មេដៃ​ ​និង​អប់​រំ​អំពី​អំពើ​ពុក​រលួយ​នៅ​ក្នុង​សង្គមកម្ពុជា​កន្លង​មក​ ​គឺ​បាន​ធ្វើ​ឲ្យ​លោក​ពូផ្ទាល់ក៏ដូចជាប្រជាពលរដ្ឋទូទៅ​​យល់​ដឹង​កាន់​តែ​ច្បាស់​អំពី​បញ្ហាអំពើ​ពុក​រលួយ​នេះ​៕​

 

>>>> "សូមធ្វើការ​ចុចត្រង់នេះដើម្បីទាញយកសម្លេង​ជា MP3"

 

 

 
ចំណេះដឹងស្តីអំពីអំពើពុករលួយដែលប្រជាពលរដ្ឋទទួលបាន PDF Print E-mail
Wednesday, 17 September 2008 , សរសេរដោយ​ « OFC Editor »   

ប្រភព​ព័ត៌​មាន​ពី​អ្នក​មីង​ម្នាក់​ដែល​រស់​នៅ​ក្នុង​តំបន់​ដី​ក្រហមក្នុងរាជធានីភ្នំពេញ​បាន​មាន​ប្រសាសន៍​ថា​ ​កន្លងមកគាត់​ធ្លាប់​ទទួលបាននូវ​វគ្គ​អប់​រំ​បណ្តុះ​បណ្តាល​ ស្តី​អំពី​ការ​ប្រយុទ្ធ​ប្រឆាំង​នឹង​អំពើ​ពុក​រលួយ​ខ្លះ​   និង​បាន​យល់ដឹង​អំពី​ផល​ប៉ះពាល់​នៃ​អំពើ​ពុក​រលួយ​ផង​ដែរ ។​

 គាត់​បាន​មាន​ប្រសាសន៍​បន្ត​​ថា​ ​វគ្គ​អប់​រំ​នេះ​អាច​ធ្វើ​ឲ្យ​ពួក​គាត់​បាន​ដឹង​ច្បាស់​អំពី​ការ​ប្រព្រឹត្ត​អំពើ​ពុក​រលួយ​របស់​អាជ្ញាធរ​ដែន​ដី​ដែល​ត្រួត​ត្រា​នៅ​ក្នុង​តំបន់​ដី​ក្រហម​នេះ​។​​

 

ទី​១ ​គឺ​ថា​មុន​ពេល​បោះ​ឆ្នោត​ ចៅ​សង្កាត់​បាន​សន្យា​ជា​មួយ​ពួក​គាត់​ថា​ ​នឹង​មិន​មាន​ការ​បណ្តេញ​ចេញ​ ​ឬ​ជម្លៀស​ពួក​គាត់​ចេញ​ពី​តំបន់​ដី​ក្រហម​នេះ​ឲ្យ​ទៅ​នៅ​ជាយ​ក្រុង​ឡើយ​ ​ក៏​ប៉ុន្តែ​នៅ​ពេល​ដែល​គេ​ជាប់​ឆ្នោត​ ​ហើយ​នោះ​គាត់​មិន​បាន​ធ្វើ​តាម​ការ​សន្យា​នោះ​ទេ​ ​​ថែមទាំង​បាន​ប្រមូល​កូន​ចៅ​​មក​បណ្តេញ​ប្រជាពលរដ្ឋ​ចេញ​ពី​ទីក្រុង​ ​ដោយមិន​មាន​ការ​ដោះ​ស្រាយ​ជួន​ពួក​គាត់ដែល​ជា​ប្រជាពលរដ្ឋ​នៅទីនេះ ទេ​។​​​​

 

ប្រភព​នេះ​បាន​បន្ថែម​ទៀត​ថា​ ​ពួកចៅ​សង្កាត់​បាន​បញ្ជួន​កំលាំង​ជា​ច្រើន​ថែម​ទៀត​ ​ដើម្បី​ដេញ​ពួក​គាត់​ ​មិន​តែ​ប៉ុណ្ណោះ​ទៀត​សោត​ពួក​គាត់​មិន​បាន​រស់​នៅ​សុខ​ដុម​រមនា​ទេ​ ​គឺ​ថា​ ​មាន​ទាំង​ការ​ដេញ​ចាប់​ប្រជាពលរដ្ឋ​ថែម​ទៀត​ផង​ ​ដើម្បី​យក​ទៅ​ដាក់​គុក​ ​និង​ ​បន្លាច ​បំភ័យ​សព្វ​បែប​យ៉ាង​។​ ​នៅ​ក្នុង​តំបន់​ដី​ក្រហម​នេះ​ការ​ភ័យ​ខ្លាច​ ​គឺ​ខ្លាំង​មាំ​បំផុត​ហើយ។​​​​

 

អ្នក​មីង​ក៏​បាន​សំណូមពរផង​ដែរ​​​ដល់​រដ្ឋាភិបាល​អណត្តិ​ថ្មី​ ​ក៏​ដូច​ជា​អង្គការ​សង្គម​ស៊ីវិល​ ​សូម​ឲ្យ​ជួយ​ប្រជាពលរដ្ឋ​ផង​ ​មិន​ថា​តែ​នៅ​តំបន់​ដី​ក្រហម​នេះ​ ​ឬ​ក៏​នៅ​តំបន់​ណា​នោះទេ ​​ក្នុង​ប្រទេស​កម្ពុជា​ទាំង​អស់​ ​ដែល​មាន​ការ​រង​គ្រោះ​ខ្លាំង​បំផុត​ចំពោះ​ បញ្ហា​ដី​ធ្លី​ដែល​មាន​ក្រុម​ហ៊ុន​ ​ឬ​មជ្ឈដ្ឋាន​ដែល​គេ​មក​គាប​សង្កត់​ ​ឬ​គំរាម​គំហែង​សព្វ​សារ​ពើ​។​

 សូម​ឲ្យ​រាជ​រដ្ឋា​ភិបាល​ ​និង​អង្គការ​សង្គម​ស៊ីវិល​ទាំង​អស់​ជួយ​ដល់​ពួក​គាត់ក៏​ដូច​ជា​ប្រជាពលរដ្ឋ​ទូទៅ​ដែល​ជួប​នូវ​វិបត្តិ​នេះ​ផង​ ​ដើម្បី​ឲ្យពួក​គាត់​ដែល​ជា​ប្រជាពលរដ្ឋ​ក្រីក្រ​ ​រស់​នៅ​សុខ​ដុមរមនា​ដូច​គេ​ដែរ។​

>>>> "សូមធ្វើការ​ចុចត្រង់នេះដើម្បីទាញយកសម្លេង​ជា MP3"

 
ការប្រមូលស្នាមមេដៃដើម្បីជម្រុញឲ្យរដ្ឋសភាអនុម័តច្បាប់ស្តីអំពីការប្រឆាំងនឹងអំពី​​ពុក​​រលួយ​​​​​​​​​​​​ PDF Print E-mail
Friday, 01 August 2008 , សរសេរដោយ​ « Kuong Vutha »   

 ស្រ្តី​អ្នក​លក់​ដូរ​ម្នាក់​បាន​យល់​ឃើញ​ថា​ ប្រជាពលរដ្ឋ​ទូទៅ​តែង​តែ​ចង់​ឃើញ​ពី​ការ​បំបាត់​អំពើ​ពុក​រលួយ​ ពី​សំណាក់​រដ្ឋាភិបាល​។ គាត់​បន្ថែម​ទៀត​ថា​ ប្រសិន​បើ​រដ្ឋាភិបាលបាន​បំបាត់​នូវ​អំពើពុករលួយ​បាន​នោះ​ រីឯ​បញ្ហា​ផ្សេងៗ​ទៀត​ក៏​អាច​ដោះស្រាយ​បាន​ដែរ​។ ម្យ៉ាង​វិញ​ទៀត​ គាត់​បាន​សម្តែង​នូវ​ការ​គាំ​ទ្រ​ចំពោះ​សកម្មភាព​នៃ​ការ​ប្រមូល​ស្នាម​មេដៃ​ក្នុង​ការ​ជម្រុញ​ឲ្យ​រដ្ឋាភិបាល​អនុវត្ត​ច្បាប់​ប្រឆាំង​អំពើ​ពុករលួយ​ឲ្យ​បាន​ឆាប់​។ គាត់​បាន​បន្ថែម​ទៀត​ថា​ ប្រជាពលរដ្ឋ​ពិត​ជា​មាន​សិទ្ធិ​ក្នុង​ជម្រុញ​ឲ្យមាន​​ច្បាប់​នេះ​។

 ការ​បង្កើត​ច្បាប់​ប្រឆាំង​អំពើ​ពុករលួយ​មាន​សារៈសំខាន់​សម្រាប់​គ្រប់​វិស័យ​ទាំង​អស់​ ហើយ​វិស័យ​ទាំង​នោះ​ក៏នឹង​មាន​ការ​រីក​ចម្រើន​ផងដែរ​ ដូចជា សុខាភិបាល​ ស្ថាប័ន​រដ្ឋាភិបាល​ ផងដែរ​។

 គាត់​យល់​ឃើញ​ថា​ បើសិន​ជា​ស្នាម​មេដៃ​នេះ​ត្រូវ​គេ​ច្រានចោល​ វា​ជា​រឿង​របស់​រដ្ឋភិបាល​ ប៉ុន្តែ​វា​ជា​ទុក្ខ​សោក​របស់​ប្រជន​គ្រប់​គ្នា​ ហើយ​ប្រជាជន​នឹង​មាន​ការ​តូច​ចិត្ត​ ពី​ព្រោះ​ប្រជាជន​បាន​ខំ​ធ្វើបែបនេះ​ហើយ​ តែ​រដ្ឋាភិបាល​មិន​យក​ចិត្ត​ទុក​។​

 គាត់​បាន​បន្ថែម​ទៀត​ថា​ គ្មានវិធី​អ្វី​ក្រៅ​ពី​​ការ​ប្រមូលស្នាម​មេដៃ​នេះ​ទៀត​ទេ​ ពី​ព្រោះ​ថា​ វិធី​នេះ​មាន​ភាព​សម្ងាត់​ និង​សន្តិភាព​។ រីឯ​ការ​សុំច្បាប់​ធ្វើ​បាតុកម្ម​ជា​រឿង​មួយ​ពិបាក។​

 >>>> "សូមធ្វើការ​ចុចត្រង់នេះដើម្បីទាញយកសម្លេង​ជា MP3"

 
ការ​ប្រមូល​ស្នាម​មេ​ដៃ​ដើម្បី​ជម្រុញ​ឲ្យ​រដ្ឋសភា​អនុម័ត​ច្បាប់​ស្តី​អំពី​ការ​ប្រឆាំង​នឹង​អំពើពុករលួយ PDF Print E-mail
Friday, 04 July 2008 , សរសេរដោយ​ « CISA »   

មតិប្រជាពលរដ្ឋអំពី “ការប្រមូលស្នាមមេដៃដើម្បីជម្រុញឲ្យរដ្ឋសភាអនុម័តច្បាប់ស្តីអំពីការប្រឆាំងនឹងអំពើពុករលួយ”

ចន សុវណ្ណារ៉ា អាយុ ១៩ឆ្នា៓ ជានិស្សិតឆ្នា៓ទី១ នៃសាកលវិទ្យាល័យភូមិន្ទភ្ន៓ពេញ យល់ឃើញថា ការ​ប្រមូល​ស្នាម​មេដៃ​ជា​វិធី​មួយ​ដើម្បី​បង្ហាញពីលិទិ្ធប្រជាធិបតេយ្យនៅក្នុងប្រទេសមួយ ហើយមនុស្សនានា នៅក្នុងប្រទេស មាន​សិទិ្ធ​ទាម​ទា​ឲ្យ​រដ្ឋាភិបាល​បងើ្កត​ច្បាប់​អ៓ពីពុករលួយ។ មិនតែប៉ុណ្ណោះ សុវណ្ណារ៉ា គិតថា នេះគឺជាសិទ្ធរបស់ប្រជាជន បើសិន ជា​ចង់​ឲ្យ​មាន​ការ​ប៓បាត់​អ៓ពើ​ពុករលួយ​ ពួកគេត្រូវចូលរួមគ្រប់គ្នា។ ដើម្បីប៓បាត់អ៓ពើពុករលួយ យើងត្រូវមានវត្ថុតាងពីប្រជាជន ដើម្បី​បញ្ចាក់​ថា​ប្រជាជន​ពិត​ជា​ចង់ឲ្យ មានច្បាប់នេះមែន។

ការប្រមូលស្នាមមេដៃនេះ មានការជោគជ័យ ៥០ភាគរយ ហើយ មិនជោគជ័យ ៥០ភាគរយ  ប៉ុនែ្ត សុវណ្ណារ៉ានឹង ចូល​រួម​ក្នុង​សកម្មភាព​នេះ បើសិនជាជោគជ័យមែន។ មិនតែប៉ុណ្ណោះ សុវណ្ណារ៉ា ជឿជាក់ ថាគេមានសិទ្ធក្នុងការ ជួយ​ជ៓រុញ​ឲ្យ​មាន​ច្បាប់​នេះ​នៅ​ប្រទេសកម្ពុជា ប៉ុនែ្តគាត់មិនប្រាកដថាច្បាប់នេះអាចកើតបាន ឬក៏អត់។ នៅពេលដែលមានច្បាប់នេះ សុវណ្ណារ៉ា គ្រួសារគាត់ និងអ្នកដ៏ទៃមិនចា៓បាច់ព្រួយបារម្ភអ៓ពីអ៓ពើពុករលួយ និងការជិះជាន់ ពី​អ្នក​មាន​អ៓ណាចដែលពុករលួយ។

បើសិនជារដ្ឋសភាច្រានចោល នោះរដ្ឋសភានឹងប្រព្រឹត្តខុស ពីលិទិ្ធ ប្រជាធិបតេយ្យ ប្រទេសទា៓ងមូលពឹងផ្អែកលើប្រជាជន ហើយ​ការប្រមូលស្នាមម្រាមដៃ គឺមកពីប្រជាជនច៓នួនច្រើន មិនមែនតែម្នាក់ទេ បើរដ្ឋាភិបាលច្រានចោល នូវ​មតិ​ប្រជាជន​ទា៓ង​នេះ​​មែន មានន័យថារដ្ឋាភិបាលមិនគោរព មតិ របស់ប្រជាជន។

សុវណ្ណារ៉ាចង់ឲ្យមានការបង្កើតអង្គការស្ថាប័ននៅក្រៅប្រទេស មកជួយដោះស្រាយវិបតិ្តនេះ ប៉ុនែ្តគ្រាន់តែមានការល៓បាក ព្រោះ​អង្កការ​ទា៓ងនោះមិនមានសិទ្ធក្នុងការលូកដៃចូលបញ្ហាផ្ទៃក្នុង។ បើ រដ្ឋាភិបាលគ្រាន់តែរឿងស្នាមម្រាមដៃនេះច្រានចោល ហើយ នោះវិធីផ្សេងទៀតក៏គ្មានប្រសិទ្ធភាពដែរ។

"សូមធ្វើការ​ចុចត្រង់នេះដើម្បីទាញយកសម្លេង​ជា MP3"

 

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 2522650
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 213 ប្រទេស