ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

PDF Print E-mail
Wednesday, 26 March 2008 , សរសេរដោយ​ « សម្ព័ន្ធដើម្បីសុចរិតភាព​​ និងគណនេយ្យភាពសង្គម »   

អំ​ពី​គម្រោង

វិបសាយ “សម្ព័ន្ធដើម្បីសុចរិតភាព​​ និងគណនេយ្យភាពសង្គម” ត្រូវ​បាន​ផ្តួច​ផ្តើម​ បង្កើត​ឡើងតាំងពីឆ្នាំ២០០៨​ ​ដោយ​សម្ព័ន្ធដើម្បីសុចរិតភាព​​ និងគណនេយ្យភាពសង្គម ​ក្នុង​​នាម​​សម្ព័ន្ធ​អង្គការ​​សង្គម​ស៊ីវិល​​ប្រឆាំង​អំពើ​ពុករលួយ​ ​ក្រោម​ការ​ឧត្ថម្ភ​គាំទ្រ​ថវិកា​ពី​ទីភ្នាក់​ងារ​សហ​រដ្ឋ​អាមេរិក​សម្រាប់​ ការ​អភិវឌ្ឍន៍​អន្តរជាតិ ​តាម​រយៈ​អង្គការ​​ផេក​កម្ពុជា​ ​ជា​ខេមរ​ភាសា​ ​និង​ភាសា​អង់គ្លេស​។​ ​វិបសាយ​ «សម្ព័ន្ធដើម្បីសុចរិតភាព​​ និងគណនេយ្យភាពសង្គម»​ គឺ​ជា​ឃ្លាំង​ផ្ទុក​នូវ​ទិន្នន័យ​ព័ត៌មាន​ ​ឯកសារ​នានា​ ​ទាក់ទង​នឹង​អំពើ​ពុក​រលួយ​ ​រួមមាន​ រូបភាព​ ​វីដេអូ ​សោតទស្សន៍​ ​ដ្យាក្រាម​ Blog និង​ផ្ដល់​ឱកាស​ជូន​ប្រជាពល​រដ្ឋ​ក្នុង​ការ​សម្ដែង​នូវ​ឆន្ទៈ​  ​មតិ​យោបល់​ តាម​រយៈ​ការ​ផ្លាស់​ប្ដូរ​សារ​អេឡិចត្រូនិក ​(អ៊ីម៉ែល) ​​សំដៅ​កាត់​បន្ថយ​អំពើ​ពុក​រលួយ​ ​និង​លើក​កម្ពស់​ភាព​ស្អាត​ស្អំ។ល។​ ​ក្នុង​គោល​បំណង​៖

  • ផ្សព្វផ្សាយ​ បង្កើន​ការ​យល់ដឹង​ដល់​ប្រជាពលរដ្ឋ​អំពី​ផល​ប៉ះពាល់​នៃ​អំពើ​ពុករលួយ។​

 

  • ផ្តល់​លទ្ធភាព​ដល់​ប្រជាពលរដ្ឋ​ទូទៅ​អាច​ទទួល​បាន​នូវ​ព័ត៌មាន​ដើម្បី​បង្កើន​នូវ​ចំណេះ​ដឹង​ ​អំពី​បញ្ហា​អំពើ​ពុក​រលួយ​នៅ​កម្ពុជា។​

 

  • ជំរុញ ​ឲ្យ​មាន​ការ​ចូលរួម​ពី​ស្ថាប័ន​រដ្ឋាភិបាល​ ​អង្គការ​មិន​មែន​រដ្ឋាភិបាល​ជាតិ​ ​និង​អន្តរជាតិ​ ​សង្គម​ស៊ីវិល​ ​ស្ថាប័ន​ឯកជន​ ​និង​ប្រព័ន្ធ​ផ្សព្វផ្សាយ​នានា​ ​ដើម្បី​ផ្តល់ ​និង​ចែក​រំលែក​នូវ​រាល់ព័ត៌មាន​ ​និង​ឯកសារ​នានា​ទាក់ទង​នឹង​អំពើ​ពុក​រលួយ។​

 

  • ជំរុញ​ ឲ្យ​មាន​ការពិភាក្សា​គ្នា​ជា​ចំហ​ ​និង​ផ្តល់​ឱកាស​ដល់​ប្រជាពលរដ្ឋ​ក្នុង​ការ​សម្តែង​ឆន្ទៈ​ ​មតិយោបល់​ ​តាម​រយៈ​ការ​ផ្លាស់ប្តូរ​សារអេឡិកត្រូនិក​ សំដៅ​កាត់​បន្ថយ​អំពើ​ពុករលួយ​ ​និង​លើក​កម្ពស់​ភាព​ស្អាតស្អំ។​

 

ជារួម​វិបសាយនេះ​ គឺ​ជា​មាគ៌ា​ដ៏​មាន​សារសំខាន់​ក្នុង​ការ​ត្រួស​ត្រាយ​ផ្លូវ​ ​ជា​មូលដ្ឋាន​គ្រឹះ​ ផ្តល់​នូវ​ចំណេះ​ដឹង​អំពី​ផល​ប៉ះពាល់​នៃ​អំពើ​ពុក​រលួយ​ ​និង​ផ្តល់​ឱកាស​ដល់​ប្រជាពល​រដ្ឋ​គ្រប់​រូប​ដែល​ចាប់​អារម្មណ៍​ ​ដើម្បី​ចូល​រួម​ក្នុង​កិច្ចប្រឹង​ប្រែង​កាត់​បន្ថយ​អំពើ​ពុក​រលួយ ​និង​លើក​កំពស់​សុចរិតភាព​នៅ​ក្នុង​សង្គម​ជាតិ​យើង។ ​

ក្រុម​ការងារ​ របស់​វិបសាយ​ នឹង​ស្វែង​រក​កិច្ចសហការ​ជាមួយ​បណ្តា​អង្គការ​មិនមែន​រដ្ឋាភិបាល​ជាតិ​ ​និង​អន្តរជាតិ​ ស្ថាប័ន​សារ​ពត៌មាន​ អង្គការ​អភិវឌ្ឍន៍​ ស្ថាប័ន​ស្រាវជ្រាវ​ ​ស្ថាប័ន​ឯកជន​ ​ ​និង​ស្ថាប័ន​រដ្ឋាភិបាល​ ​ផង​ដែរ​ ​ក្នុង​ការ​ប្រមូល​ឯកសារ ​និង​រៀប​ចំ​បញ្ចូល​ទៅ​ក្នុង​វិបសាយ​ឲ្យ​បាន​ទៀង​ទាត់​នូវ​រាល់​ព័ត៌មាន​ ​និង​ឯកសារ​ថ្មីៗ​ទាំង​ឡាយ​ ​ដើម្បី​ផ្តល់​ជា​ជំនួយ​ស្មារតី​ដល់​អ្នក​អាន។

លក្ខខណ្ឌ​នៃ​ការ​ប្រើប្រាស់

វិបសាយ​ «សម្ព័ន្ធដើម្បីសុចរិតភាព​​ និងគណនេយ្យភាពសង្គម»​ (Coalition Integrity and Social Accountability)  ដែល​រក្សា​នូវ​ខ្លឹម​សារ​ដើម​ ​និង​មាន​បញ្ជាក់​ប្រភព​ច្បាស់លាស់។​ ​ព័ត៌មាន​ដែល​ផ្សព្វផ្សាយ​នៅ​លើ​ ​«វិបសាយ​ស្អាតស្អំ»​ បាន​មក​ពី​ការ​ចូល​រួម​ពី​សម្ព័ន្ធ​អង្គការ​សង្គម​ស៊ីវិល​ប្រឆាំង​អំពើ​ពុក​រលួយ​ ​និង​ស្ថាប័ន​ពាក់ព័ន្ធ​ ​ដូច្នេះ​ការ​ប្រើ​ប្រាស់​ ឬ​ដកស្រង់​ព័ត៌មាន​នានា​របស់​វិបសាយ​នេះ​ ​គប្បី​ផ្អែក​លើ​ “លក្ខខណ្ឌ​នៃ​ការ​ប្រើប្រាស់”​ ដូច​ខាង​ក្រោម៖​

១.     អាច​ប្រើប្រាស់​សម្រាប់​លក្ខណៈ​ផ្ទាល់​ខ្លួន​ ការ​សិក្សា​ ​ការ​ស្រាវ​ជ្រាវ​ ​និង​លក្ខណៈ​មិន​ធ្វើ​អាជីវកម្ម ដោយ​មិន​ចាំ​បាច់​សុំ​ការ​អនុញ្ញាត​ពី​ម្ចាស់​ដើម​នៃ​ឯកសារ។

២.    ការ​ប្រើប្រាស់​ ឬការ​ផ្សព្វផ្សាយ​ឡើង​វិញ​ក្នុង​លក្ខណៈ​អាជីវកម្ម​តាម​រយៈ​ប្រព័ន្ធ​ផ្សព្វផ្សាយ​ផ្សេងៗ ​ឬការ​បោះ​ពុម្ព​ផ្សាយ​ផ្នែក​ណា​មួយ​ ​ឬ​ផ្នែក​ទាំង​មូល​នៃ​អត្ថបទ​ព័ត៌មាន​ ឯកសារ​ រូបភាព​ ​ដ្យាក្រាម​ ​សោតទស្សន៏ ​វីដេអូ​ ត្រូវ​មាន​ការ​អនុញ្ញាត​ពី​ម្ចាស់​ដើម​នៃ​ឯកសារ។

៣.    ត្រូវ​រក្សា​នូវ​អត្តសញ្ញាណ​ ឬ​កំណត់​សម្គាល់​ណា​មួយ​របស់​ស្នាដៃ​ដើម​ ​ដែល​ជា​អត្ថបទ​ ​ឯកសារ​ ​រូបភាព​ ​ដ្យាក្រាម​ សោតទស្សន៏​ ​វីដេអូ​ ​ដែល​បញ្ចូល​នៅ​ក្នុង​វិបផតថល។

៤.    ហាម​ប្រើប្រាស់​ក្នុង​គោល​បំណង​មិន​ស្រប​ច្បាប់​ណា​មួយ​ ​ឬ​រំលោភ​សិទ្ធិ​អ្នក​និពន្ធ ​និង​សិទ្ធិ​ប្រហាក់​ប្រហែល។

៥.    រាល់ការ​ដក​ស្រង់​អត្ថបទ​នានា​ ​ដែល​និពន្ធ​ និង​សរសេរ​ដោយ​ក្រុម​ការងារ​វិបសាយ​ត្រូវ​យោង​ការដក​ស្រង់​​ចេញ​ពី​ «វិបសាយ​ស្អាតស្អំ។

៦.    ក្រុម​ការងារ​សូម​រក្សា​សិទ្ធិ​លុប​ចោល​ ​ឬ​ដក​ចេញ​ពី​វិបសាយ​នូវ​អត្ថបទ​ ​ឬ​សេចក្ដី​អធិប្បាយ​ទាំង​ឡាយ​ណា​ ដែល​មិន​ស្រប​នឹង​គោល​បំណង​នឹង​លក្ខខណ្ឌ​នៃ​ការ​ប្រើ​ប្រាស់​នេះ។


ក្រុម​ការងារ​សូម​ស្វាគមន៍​ផង​ដែរ​ ​ចំពោះ​ការ​ផ្សព្វផ្សាយ​ និង​ការ​ចែកចាយ​ព័ត៌មាន​បន្ត ​តែ​ត្រូវ​គោរព​តាម​លក្ខខណ្ឌ​ខាង​លើ។
ព័ត៌មាន​បន្ថែម​សូម​ទំនាក់​ទំនង​ក្រុម​ការងារ៖

  • អាស័យដ្ឋាន: ផ្ទះលេខ 16C ផ្លូវ 160 សង្កាត់​ ទឹកល្អក់២ ខណ្ឌ ទួលគោក ក្រុងភ្នំពេញ
  • ទូរស័ព្ទ: (០២៣)៦៩៥ ៧២០ ៤/(០១២)៩៤៧ ០២២

 

 

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 2029202
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 183 ប្រទេស