ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

យុវជន​ឈ្វេង​យល់​បញ្ហា​ប្រេង​ ​និង​ឧស្ម័ន​ PDF Print E-mail
Wednesday, 09 September 2009 , សរសេរដោយ​ « កញ្ញាៈ​ ​ទិត្យ​ ​សុខា​ »   

អង្គការ​កម្មវិធី​អភិវឌ្ឍន៍​ធនធាន​យុវជន​ ​(YRDP)​ ​ បាន​រៀបចំ​កម្មវិធី​វេទិកា​យុវជន​ប្រេង​ ​និង​ឧស្ម័ន​ស្តីពីៈ​ ​ឥទ្ធិពល​​នៃ​វិបត្តិ​សេដ្ឋកិច្ច​ពិភពលោក​​មក​លើ​ការ​ទាញ​យក​ប្រេង​ ​និង​ឧស្ម័ន​នៅ​ប្រទេស​កម្ពុជា។​ ​​កម្មវិធី​នេះ​ត្រូវ​​បាន​​ប្រារព្ធ​ធ្វើ​ឡើង​នៅ​វិទ្យាស្ថាន​​ជាតិ​អប់រំ​ ​ក្នុង​​គោល​បំណង​ ​ដើម្បី​ចែក​រំលែក​ចំណេះ​ដឹង​ ​​​ដែល​ទាក់ទង​នឹង​​វិបត្តិ​សេដ្ឋកិច្ច​ពិភពលោក​ ​និង​ដំណើរការ​នៃ​ការ​រុក​រក​ប្រេង​ ​និង​​​ឧស្ម័ន​នៅ​កម្ពុជា។​ ​វេទិកា​នេះ​ ​ត្រូវ​​បាន​​​ផ្តល់​​​កិត្តិយស​ចូលរួម​ជា​វាគ្មិន​ដោយ​ឯក​ឧត្តម​បណ្ឌិត​ ​ហង់​ ​ជួន​ណារ៉ុន​ ​អគ្គ​​លេខា​ធិការ​​​​ក្រសួង​សេដ្ឋកិច្ច​ ​​និង​ហិរញ្ញវត្ថុ​ ​បណ្ឌិត​ ​ហួត​ ​ពុំ​​​​​ ​​អ្នក​សេដ្ឋកិច្ច​នៃ​សមាគម​សេដ្ឋកិច្ច​កម្ពុជា​ ​(CEA) ​និង​លោក​ ​អ៊ឹម​ ​សុភា​ ​នាយក​រង​នៃ​មជ្ឈមណ្ឌល​អភិវឌ្ឍន៍​សង្គម​ (CSD)។​

គោល​បំណង​សំខាន់​នៃ​ការ​រៀបចំ​កម្មវិធី​នេះ​ ​​​គឺ​ចង់​ឱ្យ​យុវជន​យល់​​ដឹង​ពី​បញ្ហា​វិបត្តិ​សេដ្ឋកិច្ច​ ​​ដែល​មាន​ឥទ្ធិពល​មក​លើ​ការ​រុក​រក​ប្រេង​ ​និង​ឧស្ម័ន​​នៅ​ប្រទេស​កម្ពុជា។​ ​​ក្នុង​កម្មវិធី​នេះ​​មាន​និស្សិត​ជា​​ច្រើន​ ​ដែល​មក​ពី​សាកល​វិទ្យាល័យ​ផ្សេងៗ​គ្នា​ចំនួន​៣៩៨​​នាក់​ ​ចូលរួម​ ​និង​ភ្ញៀវ​​អន្តរជាតិ​មួយ​ចំនួន​ ​ក្នុង​នោះ​​ស្រ្តី​មាន​ចំនួន​ ​១២៨​នាក់។​

​លោក​ ​ឈិត​ ​សំអាត​ ​នាយក​ប្រតិបត្តិ​វេទិកា​នៃ​អង្គការ​មិន​មែន​រដ្ឋាភិបាល​ស្តីពី​កម្ពុជា​ (NGO Forum) ​ឡើង​ធ្វើ​​​សន្ទរកថា​ ​ប្រកាស​បើក​កម្មវិធី​ដំបូង​ ​​ដោយ​លោក​បាន​បញ្ជាក់​ពី​អារម្មណ៍​ ​និង​និយាយ​ថា​ ​​ថ្ងៃ​នេះ​លោក​មាន​សេចក្តី​​​សប្បាយ​រីករាយ​​ក្រៃ​លែង​ ​ដែល​បាន​ចូលរួម​ក្នុង​​កម្មវិធី​វេទិកា​យុវជន​ ​ប្រេង​ ​និង​ឧស្ម័ន​ ​​ស្តីពី​ឥទ្ធិពល​វិបត្តិ​សេដ្ឋកិច្ច​ពិភពលោក​​មក​លើ​ការ​ទាញ​យក​ប្រេង​ ​និង​ឧស្ម័ន​នៅ​ប្រទេស​កម្ពុជា។​​ ​ដូច​ដែល​ប្អូនៗ​បាន​ដឹង​ហើយ​ថា​ ​ប្រទេស​កម្ពុជា​យើង​គឺ​ជា​ប្រទេស​មួយ​​ ​ដែល​សម្បូរ​ទៅ​ដោយ​សម្បត្តិ​​ធម្មជាតិ​ជា​ច្រើន​មាន​​តម្លៃ​ដូចជា​ ​​​មាស​ ​រ៉ែ​ត្បូង​ ​ប្រេង​ ​​​និង​ឧស្ម័ន​ជា​ដើម។​ ​​​ប្រទេស​កម្ពុជា​​សព្វ​​ថ្ងៃ​នេះ​​ ​ក៏​កំពុង​​ធ្វើ​ការ​រុក​រង​​ប្រេង​​ ​និង​ឧស្ម័ន​នេះ​ដែរ។​​ ​​នៅ​ពេល​ដែល​ទទួល​បាន​ចំណូល​ពី​ប្រេង​​ ​និង​ឧស្ម័ន​នេះ​​ ​រដ្ឋាភិបាល​គួរ​តែ​យក​ប្រាក់​ចំណេញ​ទៅ​ប្រើ​ប្រាស់​ក្នុង​ការ​អភិវឌ្ឍ​ជាតិ​ ​និង​ឈាន​ទៅ​ដល់​ការ​កាត់​​បន្ថយ​ភាព​ក្រីក្រ​​ ​ម្យ៉ាង​ទៀត​លោក​​សង្ឃឹម​ថា​ ​​យុវជន​នឹង​បាន​យល់​​ដឹង​ច្បាស់​អំពី​ឥទ្ធិពល​ ​នៃ​វិបត្តិ​សេដ្ឋកិច្ច​មក​លើ​ប្រទេស​កម្ពុជា​យើង។​

​ឯក​ឧត្តម​បណ្ឌិត​​ ​ហង់​ ​ជួន​ណារ៉ុន​ ​បាន​បក​​ស្រាយ​​លើ​ប្រធាន​បទ​ "វិបត្តិ​ហិរញ្ញវត្ថុ​ពិភពលោក​ ​​និង​ផល​ប៉ះពាល់​មក​លើ​​ប្រទេស​កម្ពុជា​”។​ ​លោក​បាន​និយាយ​ថា​ ​“នៅ​ក្នុង​ប្រទេស​កម្ពុជា​ ​​សេដ្ឋកិច្ច​​​ពឹង​ផ្អែក​​លើ​វិស័យ​សំខាន់​បួន​ ​គឺ​វិស័យ​កសិកម្ម​ ​កាត់​ដេរ​ ​សំណង់​ ​និង​ទេសចរណ៍។​ ​ចំពោះ​​ប្រទេស​កម្ពុជា​​ផល​ប៉ះពាល់​ដោយ​ប្រយោល​គឺ​វិបត្តិ​ហិរញ្ញវត្ថុ​ ​ក៏​ប៉ុន្តែ​សេដ្ឋកិច្ច​ប្រទេស​កម្ពុជា​នៅ​រឹងមាំ​នៅ​ឡើយ​ ​ដោយ​វិបត្តិ​សេដ្ឋកិច្ច​មិន​បាន​ប៉ះពាល់​ដល់​ប្រព័ន្ធ​ធនាគារ​កម្ពុជា​ឡើយ​ ​តែ​វិស័យ​មួយ​ចំនួន​កំពុង​រង​គ្រោះ​ដូចជា​ការ​ផលិត​សម្លៀក​បំពាក់​ ​វិស័យ​ទេសចរណ៍​ ​និង​វិស័យ​សំណង់​”។​

​ទោះ​បី​ជា​ការ​បក​​ស្រាយ​របស់​វាគ្មិន​​បង្ហាញ​ភាគ​ច្រើន​ទាក់ទង​នឹង​វិបត្តិ​សេដ្ឋកិច្ច​ពិភពលោក​ ​​តែ​ក្រុម​និស្សិត​មាន​ការ​ចាប់​អារម្មណ៍​ច្រើន​ទៅ​លើ​បញ្ហា​នៃ​ការ​រុក​រក​​ប្រេង។​ ​សំនួរ​ភាគ​ច្រើន​​របស់​និស្សិត​គឺ​លើក​​ឡើង​ទាក់ទង​នឹង​ការ​រុក​រក​ប្រេង​ ​និង​ឧស្ម័ន​ ​និង​ការ​គ្រប់គ្រង​ចំណូល​​ ​ដែល​នឹង​បាន​មក​ឱ្យ​មាន​​តម្លាភាព។​

​លោក​ ​សករាជ​ ​និស្សិត​សាកល​វិទ្យាល័យ​កម្ពុជា​ ​បាន​និយាយ​ថា​ ​កម្មវិធី​នេះ​មាន​សារ​ប្រយោជន៍​ណាស់​សម្រាប់​គាត់​ ​និង​និស្សិត​ទាំង​អស់​ដែល​ចូលរួម។​ ​“ខ្ញុំ​យល់​ដឹង​ច្រើន​ពី​​មូលហេតុ​នៃ​​ការ​ធ្វើ​ឱ្យ​មាន​វិបត្តិ​សេដ្ឋកិច្ច​ ​និង​ផល​ប៉ះពាល់​របស់​វា​ ​មក​លើ​បញ្ហា​ប្រេង​ ​និង​ឧស្ម័ន​​នៅ​ក្នុង​ប្រទេស​​កម្ពុជា​"។​

កញ្ញា​ ​សុភា​វណ្ណ​ ​និស្សិត​នៃ​សាកល​វិទ្យាល័យ​​ភូមិន្ទ​ភ្នំពេញ​បាន​ឱ្យ​ដឹង​ថា​ ​​កញ្ញា​មាន​ការ​ចាប់​អារម្មណ៍​ចំពោះ​​កម្មវិធី​នេះ​​​​ ​ព្រោះ​បាន​ធ្វើ​ឱ្យ​កញ្ញា​យល់​ពី​មូលហេតុ​ ​ដែល​ធ្វើ​ឱ្យ​សេដ្ឋកិច្ច​ធ្លាក់​ចុះ​​ ​​និង​មូលហេតុ​នៃ​បញ្ហា​ប្រេង​ ​និង​ដី​​ឡើង​ថ្លៃ។​ ​កញ្ញា​សង្ឃឹម​ថា​ ​កញ្ញា​នឹង​យក​បទ​ពិសោធន៍​ ​ដែល​កញ្ញា​ទទួល​បាន​នៅ​ថ្ងៃ​នេះ​យក​​ទៅ​ចែក​រំលែក​ ​និង​ផ្សព្វផ្សាយ​បន្ត​ទៀត។​

​លោក​ ​ប៊ុន​ ​សម្បត្តិ​ ​មន្រ្តី​​កម្មវិធី​ពង្រឹង​​សិទ្ធិ​អំណាច​យុវជន​​របស់​អង្គការ​​បាន​ធ្វើ​ការ​​សរុប​ខ្លឹមសារ​ក្នុង​កម្មវិធី​ទាំង​មូល​ថា​ ​“បញ្ហា​វិបត្តិ​សេដ្ឋកិច្ច​ពិភពលោក​ ​គឺ​ជា​​បញ្ហា​មួយ​ដែល​​​យើង​ទាំង​អស់​គ្នា​ត្រូវ​តែ​យល់​ដឹង​"។​ ​​លោក​បាន​​ចោទ​ជា​សំណួរ​ថា​ ​ហេតុ​អ្វី​បាន​ជា​យើង​ ​ត្រូវ​​យល់​ដឹង​ពី​បញ្ហា​សេដ្ឋកិច្ច​ពិភពលោក?​​ ​“ក្នុង​នាម​ជា​យុវជន​ខ្មែរ​ ​និង​ជា​អ្នក​បញ្ញា​វ័ន្ត​ខ្មែរ​​យើង​​ត្រូវ​យល់​ដឹង​ពី​រឿង​នេះ។​ ​បញ្ហា​ទាំង​នេះ​ហើយ​ ​ដែល​យើង​ត្រូវ​ដឹង​​ ​ដើម្បី​ជជែក​គ្នា​​​ជា​មួយ​បង​ប្អូន​ ​និង​មិត្ត​ភក្តិ​ ​រឺ​ក្នុង​​ក្រុម​ណា​មួយ។​ ​យើង​ត្រូវ​ដឹង​ថា​ ​​យើង​ជា​មនុស្ស​ម្នាក់​ ​ដែល​ពោរពេញ​ទៅ​ដោយ​ព័ត៌មាន​ថ្មី​ ​ហើយ​យើង​ចាប់​ផ្តើម​ដឹង​ពី​ប្រវត្តិ​នៃ​ការ​រុក​រក​ប្រេង​នេះ​គឺ​មាន​ចាប់​តាំង​ពី​ឆ្នាំ​ណា​មក​ ​ហើយ​យើង​​​ត្រូវ​ឈ្វេង​យល់​បន្ថែម​ទៀត​ពី​រឿង​ប្រេង​ ​និង​ឧស្ម័ន​​នៅ​ក្នុង​ប្រទេស​កម្ពុជា​យើង​"។​

ដក​ស្រង់​​ចេញ​ពីៈ​
-អង្គការ​ ​កម្មវិធី​អភិវឌ្ឍន៍​ធនធាន​យុវជន​,​ ​ព្រឹត្តិបត្រ​ ​សង្គម​ ​​និង​ការ​ពិត​,​ ​ឆ្នាំ​ទី​០៨​ ​លេខ​០៣​ ​ទំព័រ​ ​៤-​៦,​​ ​ឧសភា-​មិថុនា​ ​២០០៩។​​

 
< Prev   Next >

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 3573676
ទិន្នន័យចាប់ពីថ្ងៃ​ : 2013-04-30
Totals Top 5
0 អ្នកទស្សនាមកពី​ : 273 ប្រទេស