ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

មន្ត្រី​នគរ​បាល​មួយ​ចំនួន​ត្រូវ​បាត់​បង់​ប្រាក់​ខែ​ដោយ​សារ​មេ​កាត់​យក​ PDF Print E-mail
Wednesday, 09 September 2009 , សរសេរដោយ​ « OFC Editor »   

មន្ត្រី​នគរបាល​មួយ​ចំនួន​ដែល​កំពុង​បម្រើ​ការងារ​នៅ​តាម​អង្គភាព​នានា​ក្នុង​ខេត្ត​ក្រុង​មួយ​ចំនួន​ត្រូវ​​គេ​កាត់​យក​ប្រាក់​ខែ​ម្នាក់ៗ​ ចំនួន​២៨០០០ ទៅ ៣០០០០​រៀល​ជា​រៀងរាល់​​ខែ​ដោយ​គ្មាន​មូលហេតុ​ជាក់លាក់​ហើយ មាន​មន្ត្រី​នគរបាល​ខ្លះ​ត្រូវ​មេ​កាត់​ប្រាក់​ខែ​យក​ដាច់​មួយ​ខែ​ដោយសារ​តែ​អវត្តមាន​មិន​មក​ធ្វើ​ការងារ​ជា​ប្រចាំ​ថ្ងៃ​នៅ​តាម​ប៉ុស្តិ៍​រដ្ឋបាល​ដែល​​មេ​បាន​ចាត់​តាំង​ឲ្យ​ទៅ​បម្រើ​ការងារ​នៅ​ប៉ុស្តិ៍​រដ្ឋបាល​នោះ។​ ​នេះ​ជា​ការ​លើក​ឡើង​របស់​មន្ត្រី​នគរបាល​ម្នាក់​ដែល​សុំ​មិន​បញ្ចេញ​ឈ្មោះ​  ហើយ​បាន​ទទួល​រងគ្រោះ​ដោយសារ​លោក​អធិការ​​នគរបាល​​ស្រុក​​កាត់​យក​ប្រាក់​ខែ​របស់​ខ្លួន​ចំនួន ​២៤០.០០០​រៀល​យក​ដាច់​មួយ​ខែ​តែ​ម្តង​ដើម្បី​ទុក​ជា​ការ​ព្រមាន​កុំ​ឲ្យ​លោក​អវត្តមាន​​ញឹកញាប់​ពេក។​​​

មន្ត្រី​ដដែល​បាន​បន្ត​ថា​៖​”​ ខ្ញុំ​ធ្វើ​ជា​ប៉ូលិស​ប៉ុស្តិ៍​រដ្ឋបាល​ជាង​២០​ឆ្នាំ​ហើយ​ ​មិន​ដែល​បាន​ឡើង​ស័ក្តិ​នឹង​គេ​ទេ​ ​ដោយសារ​ប្រាក់​ខែ​តិចពេក​ផ្គត់ផ្គង់​ជីវភាព​គ្រួសារ​មិន​គ្រប់គ្រាន់​ ​​​គ្មាន​លុយ​ដើម្បី​ផ្គាប់ផ្គុន​មេ​ ​ដើម្បី​ឡើង​ដំណែង​ ​និង​ស័ក្តិ ”​ ។​

លោក​បាន​និយាយ​ថា​៖​”​ ដើម្បី​ឡើង​ដំណែង​ជា​នាយប៉ុស្តិ៍​រដ្ឋបាល​​ ​ឬ​អនុប្រធាន​ប៉ុស្តិ៍​ត្រូវ​យក​ចំនួន​៥០០-​៦០០​ដុល្លារ​ដើម្បី​សូក​មេ​ ​ហើយ​ពេល​មក​ធ្វើ​ការ​នៅ​មូលដ្ឋាន​ត្រូវ​ខំ​រក​លុយ​បន្ថែម​ទៀត​ ​បើ​រក​លុយ​មិនបាន​ត្រូវ​គេ​ដក​ចេញ​ ​មិន​ដឹង​មេ​ប្តូរ​ចេញ​ ​ឬ​ផ្លាស់​ប្តូរ​អោយ​​ទៅ​កាន់​ប៉ុស្តិ៍​ផ្សេង​ ​ដែល​មិន​សូវ​សំបូរ​ខ្លាញ់” ។​

លោក​បាន​បញ្ជាក់​ថា​៖​​" មិនមែន​មាន​តែ​ខ្ញុំ​ម្នាក់​ទេ​ ​ដែល​ត្រូវ​លោក​អធិការ​កាត់​ប្រាក់​ខែ​យក​ផ្តាច់​នោះ​ ​គឺ​មិត្ត​ភក្តិ​ខ្ញុំ​ម្នាក់​ទៀត​ ​និង​កង​កម្លាំង​នគរបាល​ទាំង​អស់​សុទ្ធ​តែ​ត្រូវ​គេ​កាត់​ប្រាក់ខែ​ម្នាក់ៗ​ ចំនួន​ ២៨.០០០​រៀល​ទៅ​ ៣០.០០០​រៀល​ ​ជា​រៀង​រាល់​ខែ​ដោយ​យក​លេស​ផ្សេងៗ​ ដូចជា​ ​ឧបត្ថម្ភ​កងទ័ព​ដែល​ការពារ​នៅ​ខេត្ត​ព្រះវិហារ​ ​ឧបត្ថម្ភ​ខ្មោច​ងាប់​ ​រត់​ឯកសារ​ ​និង​កាត់​ជួន​មេ​ជា​ដើម​ ” ។​

លោក​បាន​ឲ្យ​ដឹង​ថា​​៖​” មាន​មន្ត្រី​នគរបាល​ចំនួន​១០​នាក់​នៅ​ក្នុង​អង្គភាព​ដែល​មាន​តែ​ឈ្មោះ​បើក​ប្រាក់​បៀវត្ស​មេ​ស៊ីដាច់​រាល់​ខែ​ ​ហើយ​គ្មាន​នរណា​ហ៊ាន​និយាយ​ ​ប្តឹង​ ​ឬ​តវ៉ា​ឡើយ​ ដោយ​ខ្លាច​គេ​មាន​ខ្សែ​អ្នក​ធំ​ ​មាន​ខ្នង​ក្រាស់ៗ​ ​មាន​អំណាច​ធំជាង​ ​និង​ខ្លាច​មេ​ដក​ហូត​សក្តិ​ ​ផ្លាស់​ឲ្យ​ទៅ​ធ្វើ​ការ​នៅ​កន្លែង​ប៉ុស្តិ៍​ឆ្ងាយ​ពី​ផ្ទះ​ ”។​

លោក​មាន​​ប្រសាសន៍​ថា៖​”​ វា​អយុត្តិធម៌​សម្រាប់​ខ្ញុំ​ ​និង​មិត្ត​ភក្តិ​កង​កម្លាំង​នគរបាល​ជា​មួយ​គ្នា​ដែល​ខំ​ធ្វើ​ការ​​មួយ​ខែៗ ​មិន​បាន​ទទួល​ប្រាក់​ខែ​ ​ប្រពន្ធ​នៅ​ផ្ទះ​គ្មាន​លុយ​ទិញ​ម្ហូប​អាហារ​ប្រចាំ​ថ្ងៃ​ កូន​គ្មាន​លុយ​ទៅ​រៀន​ ​គ្មាន​ពេល​វេលា​គ្រប់គ្រាន់​នៅ​ជួយ​ធ្វើ​ការងារ​ផ្ទះ​ ​ដល់​ខែ​ប្រពន្ធ​សួរក​លុយ​ ​គ្មាន​លុយ​ឲ្យ​ប្រពន្ធ​ ជួន​កាល​មាន​ទំនាស់​ពាក្យ​សម្តី​គ្នា​ឡើង​តែ​មិន​ដឹង​ធ្វើ​ដូចម្តេច?​ ​ម្នាក់ៗ​សុខចិត្ត​ទ្រាំ​លាក់​ទុក​ក្នុង​ចិត្ត​មិន​និយាយ​ ”​។​

ខ្ញុំ​សូម​សំណូមពរ​ដល់​លោក​ធំៗ ​ដែល​មួយ​ថ្ងៃៗ ​រក​លុយ​បាន​រាប់​លាន​រៀល​មេត្តា​អនុគ្រោះ​ដល់​អ្នក​តូចតាច​ ​កុំ​កាត់​ប្រាក់​ខែ​គ្នា​រាល់​តែ​ខែ​ ​ទុក​ឲ្យ​ប្រពន្ធ​កូន​នៅ​ផ្ទះ​ដោះស្រាយ​ជីវភាព​ប្រចាំ​ថ្ងៃ​ខ្លះ​ផង​ ​ហើយ​ក្រសួង​​គួរ​ចេញ​គោលការណ៍​ឲ្យ​បាន​ច្បាស់លាស់​មុន​នឹង​កាត់​ថា​យក​ទៅ​​អ្វី​ខ្លះ?​ មាន​លិខិត​ណែនាំ​ឲ្យ​បាន​ត្រឹមត្រូវ។​ ​បើ​មិន​ទប់ស្កាត់​ទេ​ ​ទៅ​ថ្ងៃ​ខាង​មុខ​មន្ត្រី​នគរបាល​គ្មាន​ឆន្ទៈ​ក្នុង​ការ​ធ្វើ​ការងារ​ ​បម្រើ​ផល​ប្រយោជន៍​ប្រជាពលរដ្ឋ​ទៀត​ទេ​ ​ហើយ​អ្នក​ដែល​កាន់​បញ្ជី​បើក​ ​អង្គុយ​រិះរក​វិធី​ដើម្បី​កាត់​លុយ​រាល់​ខែ​ដើម្បី​ប្រយោជន៍​ផ្ទាល់​ខ្លួន​ ​ឬ​បក្ខ​ពួក​របស់​ខ្លួន៕​

 
< Prev   Next >

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 2029219
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 183 ប្រទេស