ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

ការអនុវត្តច្បាប់ចរាចរណ៍ថ្មី PDF Print E-mail
Wednesday, 09 September 2009 , សរសេរដោយ​ « OFC Editor »   

បច្ចុប្បន្ន​មន្ត្រី​នគរបាល​ចរាចរ​កំពុង​តែ​ពេញ​ចិត្ត​ក្នុង​ការ​អនុវត្ត​ច្បាប់​ចរាចរណ៍​ថ្មី​ដែល​បាន​ផ្តល់​ឱកាស​ឲ្យ​ពួក​គេ​ធ្វើ​ការ​ផាក​ពិន័យ​ ​អ្នក​បើកបរ​យានយន្ត​ ​ម៉ូតូ​ដោយ​មិន​ដាក់​កញ្ចក់​ មិន​ពាក់​មួក​សុវត្ថិភាព​ ​ឬ​ម៉ូតូ​គ្មាន​ស្លាក​លេខ​ក្នុង​តម្លៃ​មួយ​លើស​ពី​ច្បាប់​ដែល​បាន​កំណត់។​

 

លោក​ ​ឆែម​ ​ពេ​ ​ជា​ប្រជាពលរដ្ឋ​ម្នាក់​រស់​នៅ​ខេត្ត​សៀមរាប​ ​បាន​ឲ្យ​ដឹង​ថា​ ​«យោង​តាម​មាត្រា​៨៨​នៃ​ច្បាប់​ចរាចរណ៍​ថ្មី​ដែល​អនុម័ត​នៅ​ឆ្នាំ​២០០៧​ ​តម្រូវ​ឲ្យ​ប៉ូលិស​ចរាចរណ៍​ធ្វើ​ការ​ផាក​ពិន័យ​អ្នក​បើកបរ​ម៉ូតូ​យានយន្ត​ដោយ​មិន​ពាក់​ខ្សែ​ក្រវ៉ាត់​ ​ឬ​មួក​សុវត្ថិភាព​ត្រឹម​តែ​៣០០០​រៀល​ ​សម្រាប់​ម៉ូតូ​ ​ប៉ុន្តែ​ការ​អនុវត្ត​ជាក់​ស្តែង​មន្ត្រី​ប៉ូលិស​ចរាចរណ៍​បាន​ផាក​ពិន័យ​ម្តង​នូវ​ចំនួន​ទឹក​ប្រាក់​៥០០០-​១០០០០​រៀល​ដោយ​គ្មាន​ចេញ​លិខិត​ស្នាម​អ្វី​បញ្ជាក់​សោះ»។​

 

លោក​បាន​ឲ្យ​ដឹង​ថា​៖​​«​ នៅ​ពេល​ឈប់​សំរាក​ពី​ការងារ ​ខ្ញុំ​បាន​ជិះ​ម៉ូតូ​ជា​មួយ​ពួកម៉ាក​ទៅ​លេង​ស្រុក​កំណើត​លុះ​ពេល​ត្រឡប់​មក​វិញ​​​ភ្លេច​ពាក់​មួក​សុវត្ថិភាព​ពេល​ដល់​​ពាក់​កណ្តាល​ផ្លូវ​ត្រូវ​ប៉ូលិស​ចរាចរ​ពួន​ស្ទាក់​ឃាត់​ម៉ូតូ​របស់​ខ្ញុំ​និង​​បាន​ធ្វើ​ការ​ផាក​ពិន័យ​ចំនួន​៥០០០​រៀល​។ ​ខ្ញុំ​ទាមទារ​រក​លិខិត​បញ្ជាក់​ការ​ផាក​ពិន័យ​បែរជា​ប៉ូលិស​ទាមទារ​លុយ​ពី​ខ្ញុំ​១០០០០​រៀល​វិញ​ ​ខ្ញុំ​ប្រកែក​មិន​ឈ្នះ​ក៏​យល់​ព្រម​ឲ្យ​១០០០០​រៀល​ទៅ»។​

 

លោក​បាន​និយាយ​ថា​ មន្ត្រី​នគរបាល​មួយ​ចំនូន​បាន​យក​ការ​អនុវត្តន៍​ច្បាប់​ចរាចរណ៍​ថ្មី​នេះ​ទៅ​រកស៊ី​គាប​សង្កត់​កេង​ប្រវ័ញ្ច​លុយ​កាក់​ពី​ប្រជាពលរដ្ឋ​ស្លូត​ត្រង់​នៅ​តាម​ទី​ជនបទ​ដាច់​ស្រយាល​ ​មិន​សូវ​បាន​សិក្សា​ស្វែង​យល់​ពី​ច្បាប់​ចរាចរ​ឲ្យ​បាន​ច្បាស់​លាស់​មាន​ការ​ខុស​ឆ្គង​ម្តង​ម្កាល​បង្ខំ​ឲ្យ​អ្នក​បង់​លុយ​ដើម្បី​យក​ដាក់​ហោប៉ៅ​ធ្វើ​ជា​ប្រយោជន៍​ផ្ទាល់​ខ្លួន​ដោយ​គំរាម​ថា​ ​«ខុស​ច្បាប់​ ​ចំណែក​ឯខ្លួន​ឯង​ដែល​ជា​មន្ត្រី​អនុវត្ត​ច្បាប់​បែរ​ជា​បើក​បរ​មិន​ពាក់​មួក​សុវត្ថិភាព​ ​ម៉ូតូ​គ្មាន​កញ្ចក់​ ​បែរ​ជា​មើល​មិន​ឃើញ​ទៅ​វិញ។​

 

លោក​បាន​ប​ន្ត​ថា​ ​«ការ​ធ្វើ​បែប​នេះ​ប្រជាពលរដ្ឋ​អ្នក​​បើកបរ​យានយន្ត​ ​ម៉ូតូ​ឌុប​មួយ​ចំនួន​បាន​និយាយ​រិះ គន់​សមត្ថកិច្ច​ដែល​ជា​អ្នក​អនុវត្ត​ច្បាប់​តែ​មិន​គោរព​ច្បាប់​​ ហើយ​ប្រើ​អំណាច​តួនាទី​កេង​ប្រវ័ញ្ច​លុយ​កាក់​ពី​អ្នក​ស្លូត​ត្រង់​ដោយ​គ្មាន​ក្តី​អនុគ្រោះ​ ជា​ពិសេស​ប្រជាពលរដ្ឋ​ដែល​មក​ពី​ជនបទ​ដាច់​ស្រយាល​ហើយ​ពុំ​បាន​ស្វែង​យល់​ពី​ច្បាប់​ចរាចរណ៍​ថ្មី​ អំពី​ការ​ផាក​ពិន័យ​ឲ្យ​បាន​ច្បាស់លាស់។​

 

លោក​ ​ឆែម​ ​ពេ​ ​បាន​បន្ត​ថា​ ​«ប្រជាពលរដ្ឋ​ខ្មែរ​មួយ​ចំនួន​ខិតខំ​រកស៊ី​រត់​ម៉ូតូ​ឌុប​រក​ប្រាក់​ចំណូល​ក្នុង​មួយ​ថ្ងៃ​បាន​ត្រឹម​តែ​៥០០០​រៀល​ទៅ​១០០០០​រៀល​ ​ពេល​ខ្លះ​ត្រូវ​ប៉ូលិស​ផាក​ពិន័យ​អស់​រលីង​គ្មាន​ប្រាក់​ទិញ​ម្ហូប​អាហារ​ផ្គត់ផ្គង់​ជីវភាព​គ្រួសារ​ ​បាត់បង់​ប្រាក់​ចំណូល​ប្រចាំ​ថ្ងៃ​ធ្វើ​ឲ្យ​ជីវភាព​កាន់​តែ​លំបាក​ថែម​មួយ​កម្រិត​ទៀត​»។​ ​ចំណែក​ប៉ូលិស​ចរាចរ​វិញ​​ ​មួយ​ថ្ងៃៗ​បាន​ប្រើ​គ្រប់​វិធី​សាស្ត្រ​ ​និង​មធ្យោបាយ​ដើម្បី​ពួន​ស្ទាក់​ចាប់​ម៉ូតូ​ពួក​គាត់​ ​ជម្រិត​យក​ប្រាក់​ដាក់​ហោប៉ៅ​របស់​ខ្លួន​លើស​ពី​តម្លៃ​ដែល​ច្បាប់​បាន​កំណត់​ថែម​ទៀត»។​

 

លោក​បាន​មាន​ប្រសាសន៍​ថា​ ​«ដើម្បី​លុប​បំបាត់​អំពើ​ពុករលួយ​ ​និងកុំ​ឲ្យ​​ប៉ូលិស​ចរាចរ​ផាក​ពិន័យ​លើស​ពី​ច្បាប់​កំណត់​សូម​ឲ្យ​អ្នក​បើក​បរ​ម៉ូតូ​ ​យានយន្ត​ទាំង​អស់​ពាក់​មួក​សុវត្ថិភាព​ឲ្យ​បាន​គ្រប់​ៗ គ្នាព្រម​ទាំង​ដាក់​កញ្ចក់​ ​ឬ​ផ្លាក​លេខ​ម៉ូតូ​​។​ ​លើស​ពីនេះ​សុំ​ឲ្យ​មន្ត្រី​ប៉ូលិស​ចរាចរ​ធ្វើ​ការ​ផាក​ពិន័យ​ជន​ប្រព្រឹត្ត​ទៅ​តាម​ច្បាប់​កំណត់​ដើម្បី​ចូលរួម​លើក​កម្ពស់​ ​ការ​គោរព​ច្បាប់​ឲ្យ​បាន​ត្រឹមត្រូវ​ ​និង​រក្សា​បាន​នូវ​ភាព​ថ្លៃ​ថ្នូរ»។​

 

ខ្ញុំ​សូម​សំណូមពរ​ដល់​រាជរដ្ឋាភិបាល​​កម្ពុជា​មេត្តា​ជួយ​ពង្រឹង​ការ​អនុវត្ត​ច្បាប់​​ដល់​មន្ត្រី​ប៉ូលិស​ចរាចរ​នៅ​មូលដ្ឋាន​និង​តាមដាន​ត្រួត​ពិនិត្យ​ចំពោះ​ការ​អនុវត្ត​ច្បាប់​ឲ្យ​បាន​ត្រឹមត្រូវ​ ​កុំ​ឲ្យ​មាន​មន្ត្រី​ខិលខូច​មួយ​ចំនួន​ឆ្លៀត​ឱកាស​យក​ច្បាប់​ទៅ​រក​ស៊ី​ ​ប្រព្រឹត្ត​អំពើ​ពុករកលួយ​ ​កេង​ប្រវ័ញ្ច​លុយ​កាក់​ពី​ប្រជាពលរដ្ឋ​ ​ធ្វើ​ជា​ផល​ប្រយោជន៍​ផ្ទាល់​ខ្លួន​បង្ក​ឲ្យ​មាន​ការ​រាំង​ស្ទះ​ដល់​ដំណើរការ​អភិវឌ្ឍន៍​ ​និង​ប៉ះពាល់​ដល់​កិត្តិយស​​ប្រទេស​ជាតិ៕​

 
< Prev   Next >

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 1871302
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 171 ប្រទេស