ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

ចំណាយ​ជិត​៤​លាន​រៀល​ដើម្បី​ដោះ​លែង​កូន​បី​នាក់ PDF Print E-mail
Wednesday, 09 September 2009 , សរសេរដោយ​ « OFC Editor »   

ស្រ្តី​ចំណាស់​អាយុ​៥៤​ឆ្នាំ​ម្នាក់​ ​បាន​ចំណាយ​ប្រាក់​អស់​ចំនួន​ ២.៥០០.០០០​រៀល​​ ដើម្បី​ឲ្យ​សមត្ថកិច្ច​ដោះលែង​កូន​ប្រុស​បី​នាក់​ពី​ការ​ឃុំ​ខ្លួន​បណ្តោះ​អាសន្ន​នៅ​អធិការដ្ឋាន​ស្នងការ​នគរបាល​ ស្រុក​កាល​ពី​ខែ​មិថុនា​ ​ឆ្នាំ​២០០៩​ថ្មីៗ​ នេះ​ដោយ​ពីរ​នាក់​ជាប់​ចោទ​ពី​បទ​សម្លាប់​មនុស្ស​ដោយ​ចេតនា​មិន​បាន​សម្រេច​ ​និង​ម្នាក់​ទៀត​ជាប់​ចោទ​ពី​បទ​បង្ក​ការ​រារាំង​ ​និង​ជេរ​ប្រមាណ​សមត្ថកិច្ច​ក្នុង​ពេល​បំពេញ​ការងារ។​

 

ស្រ្តី​វ័យ​ចំណាស់​អាយុ​៥៤​ឆ្នាំ​ ឈ្មោះ​ ​អេង​ ​ថូន​ ​បាន​មាន​ប្រសាសន៍​ថា​ ​មន្ត្រី​ប៉ុស្តិ៍​ប៉ូលិស​រដ្ឋបាល​ឃុំ​បាន​មក​ចាប់​កូន​ប្រុស​របស់​ខ្ញុំ​ទាំង​ពីរ​នាក់​ពេល​យប់​អាធ្រាត្រ​ ដោយ​ចោទ​កូន​ខ្ញុំ​ជា​ឃាតករ​សម្លាប់​មនុស្ស​ដោយ​ចេតនា​មិន​បាន​សម្រេច​ដាក់​ខ្នោះ​ដៃ​ទាំង​សង​ខាង​អូស​ដាក់​ម៉ូតូ​បញ្ជូន​ទៅ​ស្នងការ​នគរបាល​ស្រុក​ដើម្បី​ឃុំ​ខ្លួន​បណ្តោះ​អាសន្ន​រយៈពេល​៤៨​ម៉ោង​ ​បើ​គ្មាន​លុយ​ទៅ​ដោះស្រាយ​ទេ​នឹង​ធ្វើ​សំណុំ​រឿង​បញ្ជូន​ទៅ​តុលាការ​ខេត្ត​ដើម្បី​ផ្តន្ទាទោស។​

 

អ្នក​ស្រី​បន្ត​ថា​ ​នៅ​ពេល​ដែល​ប៉ូលិស​មក​ចាប់​ខ្លួន​កូន​របស់​ខ្ញុំ​ដែល​បាន​ផឹក​ស៊ី​មាន​ទំនាស់​គ្នា​ជា​មួយ​បង​ប្អូន​ជីដូនមួយ​រហូត​ដល់​ការ​ប្រើ​ពូថៅ​កាប់​ជន​រងគ្រោះ​ចំនួន​៥​ពូថៅ​នោះ​ ​ខ្ញុំ​និង​​កូន​ប្រុស​ច្បង​ម្នាក់​ទៀត​បាន​និយាយ​ឃាត់​ថា​ ​កុំ​ឲ្យ​ចាប់​វា​យក​ទៅ​ណា​ខ្ញុំ​សូម​ធានា​ ​បើ​កូន-​ប្អូន​ខ្ញុំ​រត់​ ​ខ្ញុំ​ជា​អ្នក​ជាប់​គុក​ជំនួស​ទុក​ព្រឹក​ស្អែក​ចាំ​ដោះស្រាយ​គ្នា​នៅ​កន្លែង​ប៉ុស្តិ៍​រដ្ឋបាល​នគរបាល​ឃុំ។​ ​មន្ត្រី​ប៉ូលិស​នៅ​តែ​មិន​ស្តាប់​ហើយ​កូន​ប្រុស​ច្បង​ដែល​មាន​ជម្ងឺ​ពិការ​ខ្នង​បាន​ទាញ​យក​ដំបង​ដើរ​មក​រក​ប៉ូលិស​ ​ហើយ​បាន​និយាយ​ថា​​កុំ​ចាប់​​វា​ទាំង​យប់​អាធ្រាត្រ ​អយុត្តិធម៌​ណាស់​ ​ធ្វើ​បែប​នេះ​ប្រៀប​បី​ដូចជា​ចោរ​ប្លន់។​ ​សមត្ថកិច្ច​ក៏​ដាក់​ខ្នោះ​ដៃ​កូន​ប្រុស​ច្បង​របស់​ខ្ញុំ​ម្នាក់​ទៀត​យក​ទៅ​ដែរ​ដោយ​ចោទ​ថា​ ​បាន​មើល​ងាយ​សមត្ថកិច្ច​ ​និង​បង្កការ​រារាំង​ដល់​ប៉ូលិស​ពេល​បំពេញ​ការងារ។​

 

អ្នក​ស្រី​និយាយ​ថា​ ដោយ​ឃើញ​កូន​ប្រុស​ទាំង​បី​នាក់​ត្រូវ​ប៉ូលិស​ឃុំ​ខ្លួន​នៅ​ប៉ុស្តិ៍​រដ្ឋបាល​រយៈ​២៤​ម៉ោង​ ​ហើយ​បញ្ជូន​ទៅ​ស្នងការ​នគរបាល​ស្រុក​ ​ខ្ញុំ​រន្ធត់​ចិត្ត​យ៉ាង​ខ្លាំង​ ​ភ័យ​ផង​ ​យំ​ផង​ ​ក៏​បាន​ខិតខំ​រក​ចង​ការ​លុយ​អ្នក​ភូមិ​ចំនួន​៦៥​ម៉ឺន​រៀល​ដែល​ក្នុង​មួយ​ម៉ឺន​រៀល​ការ​២០០០​រៀល​យក​ទៅ​រំដោះ​កូន​នៅ ស្នងការ​នគរបាល​ស្រុក។​ ​នៅ​ពេល​ទៅ​ដល់​ត្រូវ​ប៉ូលិស​និយាយ​ថា​ ​«កូន​ប្រុស​ច្បង​យក​៥០០.០០០​រៀល​ ​ហើយ​អា​២​នាក់​ទៀត​គេ​យក​៧​លាន​រៀល​ ​បើ​គ្មាន​លុយ​ទេ​រយៈពេល​៤៨​ ម៉ោង​ខ្ញុំ​​នឹង​បញ្ជូន​វា​ទៅ​តុលាការ​ខេត្ត​ដើម្បី​កាត់​ទោស​ ​ផ្តន្ទាទោស»។​ ​គ្រាន់​តែ​លឺ​សូរ​សម្តី​នេះ​ភ្លាម​ខ្ញុំ​ស្ទើ​រ​តែ​បាត់បង់​ស្មារតី​ក្នុង​ខ្លួន​ ​នឹក​ថា​ ​ខ្លួន​មេម៉ាយ​ផង​ ​គ្មាន​លុយ​ផង​ ក្រីក្រ​ផង​ ​កូន​ជាប់​គុក​ផង​ ​តើ​បាន​លុយ​មកពី​ណា​ដោះ​កូន​ពេល​នេះ​ពិត​ជា​ស្លាប់​ហើយ​ខ្ញុំ។​

 

អ្នក​ស្រី​និយាយ​ទាំង​អួល​ដើម​ក​ថា​ ​«ពិត​ជា​ពុករលួយ​មែន​ ​អយុត្តិធម៌​ណាស់​ខ្ញុំ​បាន​ឲ្យ​កូន​ប្រសារ​រក​លុយ​ពី​ដន្លង​នៅ​ភ្នំពេញ​បាន​៣​លាន​រៀល​រួច​ហើយ​ខំ​និយាយ​អង្វរ​សមត្ថកិច្ច​ទាំង​ទឹក​ភ្នែក​​ទើប​គេ​យល់​ព្រម​ទាំង​៣​នាក់​សរុប​៣.៥០០.០០០​រៀល»។​

 

អ្នក​ស្រី​បាន​បន្ត​ថា​ ​«សម្រាប់​អ្នក​ក្រីក្រ​នៅ​ស្រុក​ស្រែ​ជនបទ​ខិតខំ​រកស៊ី​ចិញ្ចឹម​ជីវិត​ផង​ចិញ្ចឹម​កូន​ផង​ទឹក​ប្រាក់​នេះ​វា​ច្រើន​​ណាស់​សម្រាប់​អ្នក​ក្រ​ ​ដូចជា​​ខ្ញុំ​ខំ​រក​ស៊ី​១០-​២០​ឆ្នាំ​មិន​បាន​សល់​ប៉ុណ្ណឹង​ទេ​ ​តែ​បើ​មិន​រក​ដោះ​កូន​វា​ជាប់​គុក​ច្បាស់​ជា​ពិបាក​ណាស់។​ ​អំពើ​ពុករលួយ​ «ធ្វើ​ឲ្យ​ប្រជាពលរដ្ឋ​កាន់​តែ​ក្រទៅៗ​ ​រក​ស៊ី​គ្មាន​កំណើត​មាន​រឿងរ៉ាវ​បន្តិច​បន្តួច​ប៉ូលិស​ស៊ី​តាំង​ពី​កាត​ទូរស័ព្ទ​ ​ថ្លៃ​សាំង​​ ​ម្ហូប​អាហារ​បាយ​ទឹក​គ្រប់​បែប​យ៉ាង​គាប​សង្កត់​គ្នា​គ្រប់​ច្រកល្ហក​ ​បង់​ឲ្យ​ព្រះរាជអាជ្ញា​បន្ថែម​១០​ម៉ឺន​ទៀត​សរុប​ទំរាំ​រួច​ខ្លួន​អស់​ទឹក​ប្រាក់​៤​លាន​រៀល​ ​ហ៊ឺ...!!!​ស្លាប់​ទៅ​វា​ស្រួល​ជាង»។​

 

ខ្ញុំ​សូម​សំណូមពរ​ដល់​រាជរដ្ឋាភិបាល​ ​អង្គការ​សមាគម​មេត្តា​អាណិត​ដល់​អ្នក​ក្រីក្រ​ផង​ បើ​មាន​រឿង​កុំ​យក​លុយ​គ្នា​ច្រើន​ពេក​ ​លំបាក​ណាស់!​ ​ជួយ​អប់រំ​ណែនាំ!​កុំ​យក​គ្នា​ដាក់​គុក​នាំ​ឲ្យ​គ្នា​វេទនា​ ​នាំ​ឲ្យ​ប្រពន្ធ​កូន​វេទនា​ គ្មាន​ទីពឹង​ ​គ្មាន​អ្នក​​ចិញ្ចឹម​​ ​លំបាក​ណាស់!​ ​ក្រ​ណាស់!​ ​កុំ​ប្រើ​អំណាច​គៀប​សង្កត់​អ្នក​​ក្រីក្រ​ខ្លាំង​ពេក!​ជួយ​ខ្ញុំ​ផង៕​

 
< Prev   Next >

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 1833139
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 168 ប្រទេស