ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

អំពើ​ពុក​រលួយ​ប៉ះ​ពាល់​ដល់​ជីវភាព​រស់​នៅ​ឳពុក​ម្តាយ​សិស្ស​ PDF Print E-mail
Wednesday, 09 September 2009 , សរសេរដោយ​ « OFC Editor »   

នៅ​ប្រទេស​កម្ពុជា​ ស្ថានភាព​អំពើ​ពុករលួយ​​ក្នុង​​វិស័យ​អប់រំ​សព្វ​ថ្ងៃ​បាន​ធ្វើ​ឲ្យ​ជីវភាព​រស់​នៅ​របស់​ឳពុក​ម្តាយ​សិស្ស​មួយ​ចំនួន​ជួប​ប្រទះ​ការ​លំបាក​យ៉ាង​ខ្លាំង​ ដោយសារ​ការ​ចំណាយ​ថវិកា​អស់​យ៉ាង​ច្រើន​សម្រាប់​បង់​ឲ្យ​គ្រូ​គ្រប់​មុខ​វិជ្ជា​ក្នុង​ពេល​ប្រឡង​ឆមាស​ ​ប្រឡង​យក​សញ្ញាបត្រ​ នៅ​ពេល​ដែល​កូន​មក​រៀន​មិន​ទៀតទាត់​ ​ហើយ​អវត្តមាន​ច្រើន ​គ្មាន​ឈ្មោះ​ប្រឡង។​ ជាក់​ស្តែង​ករណី​នេះ​បាន​កើត​ឡើង​ក្នុង​គ្រួសារ​មួយ​ដែល​មាន​ជីវភាព​ក្រីក្រ​ រក​ព្រឹក​ខ្វះល្ងាច​ ​រក​ល្ងាច​ខ្វះ​ព្រឹក​ ​ពុំ​មាន​លុយ​គ្រប់ គ្រាន់​សម្រាប់​ឲ្យ​កូន​ទៅ​រៀន​ទៀង​ទាត់​ ពេល​ខ្លះ​ត្រូវ​បង្ខំ​មិន​ឲ្យ​កូន​ទៅ​រៀន​ ​នៅ​ជួយ​ធ្វើ​ការងារ​ផ្ទះ​រកស៊ី​ ដើម្បី​ផ្គត់ផ្គង់​ជីវភាព​ប្រចាំ​ថ្ងៃ​ ធ្វើ​ឲ្យ​កូន​អវត្តមាន​ច្រើន​ ​ពុំ​មាន​សិទ្ធិ​ប្រឡង​យក​សញ្ញាបត្រ​ទុតិយភូមិ​ ហើយ​ត្រូវ​នាយក​សាលា​ឲ្យ​បង់​ប្រាក់​ចំនួន​២០​ម៉ឺន​រៀល​ទើប​មាន​ឈ្មោះ​ទៅ​ប្រឡង។​

 

អាជីវករ​ម្នាក់​ដែល​មាន​ផ្ទះ​នៅ​ជិត​ផ្ទះ​គ្រួសារ​ក្រីក្រ​នោះ​បាន​មាន​ប្រសាសន៍​ឲ្យ​ដឹង​ថា​ ​ការ​សិក្សា​នៅ​តាម​សាលា​រដ្ឋ​មួយ​ចំនួន​សព្វ​ថ្ងៃ​មាន​ការ​លំបាក​ណាស់​ ​គ្រូ​បាន​ប្រើ​គ្រប់​មធ្យោបាយ​ដើម្បី​ទារ​លុយ​ពី​សិស្ស​យក​មក​ផ្គត់ផ្គង់​ជីវភាព​របស់​ខ្លួន​ ដោយ​ពុំ​មាន​គិត​ពី​ផល​ប៉ះពាល់​មក​លើ​ជីវភាព​ឪពុក​ម្តាយ​ឬ​អាណាព្យាបាល​សិស្ស​​នោះ​ទេ។​ ​ទង្វើ​បែប​នេះ​វា​ធ្វើ​ឲ្យ​មាន​ការ​ប៉ះពាល់​ដល់​គ្រួសារ​ ​និង​សង្គម​ ​ជា​ពិសេស​​បាន​ផ្តល់​នូវ​ទម្លាប់​មិន​ល្អ​ដល់​សិស្ស​ដែលជា​ទំពាំង​ស្នង​ឬស្សី​ ​បង្កើត​ឲ្យ​មាន​គំនិតពុករលួយ​ ​កេង​ប្រវ័ញ្ច​យក​ផល​ប្រយោជន៍​ ​ផ្ទាល់​ខ្លួន​នៅ​ពេល​ដែល​ពួក​គេ​បាន​ចេញ​ទៅ​ធ្វើ​ការងារ​នៅ​ក្នុង​ក្រសួង​ ​ស្ថាប័ន​រដ្ឋ​មួយ​ចំនួន​ដូចជា​ ​គ្រូ​បង្រៀន​ ​ពេទ្យ​ ​នគរបាល​ ​និង​មន្ត្រី​រាជការ​តាម​ស្ថាប័ន​នានា។​

 

លោក​បាន​បន្ត​ថា​ ​ឳពុក​ម្តាយ​មួយ​ចំនួន​បាន​បង្ខំ​ឲ្យ​កូន​ឈប់​រៀន​ដោយសារ​ជីវភាព​គ្រួសារ​ខ្វះខាត​គ្រូ​ទារ​លុយ​គ្រប់​បែប​យ៉ាង​ ​ហើយ​សុខ​ចិត្ត​បញ្ជូន​កូន​ឲ្យ​ទៅ​ធ្វើ​កម្មករ​រោង​ចក្រ​វិញ ​ដើម្បី​រក​ប្រាក់​ផ្គត់ផ្គង់​ជីវភាព​ ​កត្តា​ទាំង​នេះ​បណ្តាល​ឲ្យ​មាន​ការ​បោះបង់​ចោល​ការ​សិក្សា​ជា​ច្រើន​នៅ​ថ្នាក់​អនុ​វិទ្យាល័យ។​​ លោក​បាន​មាន​ប្រសាសន៍​ថា​ ​«បើ​ពុំ​មាន​វិធានការ​ទប់ស្កាត់​ឲ្យ​ទាន់​ពេល​វេលា​ទេ​អនាគត​​អំពើ​ពុក​រលួយ​មាន​នៅ​ប្រទេស​កម្ពុជា​នឹង​កាន់​តែ​រីកដុះដាល​ឡើង​ដោយ​សិស្ស​ម្នាក់​ៗ​គិត​ថា​ កាល​អញ​នៅ​រៀន​សូត្រ​គ្រូ​យកលុយ​​ ​គ្រូ​ទារ​លុយ​ ​គ្រូ​សូក​លុយ។​ ​

 

លោក​សំណូមពរ​ដល់​ក្រសួង​អប់រំ​ យុវជន​ ​និង​កីឡា​មេត្តា​ចាត់​វិធានការ​ចុះ​តាម​ដាន​​ឲ្យ​បាន​គ្រប់​សាលា​ ​វិទ្យា​ល័យ​ទាំង​អស់​ដើម្បី​កាត់​បន្ថយ​នូវ​អំពើ​ពុករលួយ​កុំ​ឲ្យ​លោក​គ្រូ​ ​អ្នក​គ្រូ​ចេះ​តែ​រិះរក​គ្រប់​វិធី​ដើម្បី​ទារ​លុយ​ពី​សិស្ស​​បន្ត​ទៀត​ ​ដើម្បី​ចូលរួម​កាត់​បន្ថយ​ជីវភាព​ក្រីក្រ​របស់​ប្រជាពលរដ្ឋ​ ​ចៀសវាង​ការ​ជំពាក់​បំណុល​ពី​ធនាគារ៕​

 
< Prev   Next >

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 1890575
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 174 ប្រទេស