ព័ត៌មាន​​តាម​​​ អ៊ីម៉ែល

បើ​​លោក​​អ្នក​​ចង់​​ទទួល​​បាន​​នូវ​​ព័ត៌​មាន​​ថ្មី​​ៗ​​ប្រចាំ​​សប្តាហ៍​ សូម​​បញ្ចូល​​អ៊ីមែល​​របស់​​លោក​​អ្នក

ចូលរួមស្ទង់មតិ

តើ​លោក​អ្នក​ចាប់​អារម្មណ៍​ព័ត៌​មាន​ទាំង​នេះ​កម្រិត​ណា?​
 

ឧបត្ថម្ភដោយ

funded.jpg

តាមរយៈ

គ្រប់គ្រងបច្ចេកទេសដោយ

ជាប់​ពន្ធនាគារ​បី​ខែ​ពី​បទ​ជួញ​ដូរ​ផ្លូវ​ភេទ​ជួល​មេធាវី​៣​នាក់​អស់​ប្រាក់​២​ម៉ឺន​ដុល្លារ​ទើបរួចខ្លួន PDF Print E-mail
Thursday, 10 September 2009 , សរសេរដោយ​ « Administrator »   

បុរស​រកស៊ី​បើក​ហាង​ខារ៉ាអូខេ​ម្នាក់​ត្រូវ​សមត្ថកិច្ច​ប៉ុស្តិ៍​រដ្ឋបាល​ចាប់​ខ្លួន​បញ្ជូន​ទៅ​តុលាការ​ខេត្ត​ ឃុំ​ខ្លួន​បណ្តោះ​អាសន្ន​រយៈពេល​៣​ខែ​ ​ទើប​រួច​ខ្លួន​ពី​បទ​ជួញ​​ដូរ​ផ្លូវ​ភេទ​លើ​កុមារី​ម្នាក់​ជា​អ្នក​លាង​ចាន​នៅ​ក្នុង​ហាង​ខារ៉ា​អូខេ​របស់​ខ្លួន​ ​ដោយ​ត្រូវ​ចំណាយ​ថវិកា​អស់​ចំនួន​២​ម៉ឺន​ដុល្លារ ​ដើម្បី​ជួល​មេធាវី​ការពារ​ក្តី​៣​នាក់​ និង​បង់​ឲ្យ​តុលាការ​ខេត្ត។​

 

លោក​ ​អ៊ំ​ ​ឆវ័ន្ត​ ​ជា​ប្អូន​ប្រុស​បង្កើត​របស់​បុរស​ខាង​លើ​បាន​ឲ្យ​ដឹង​ថា​​«នៅ​ពេល​ប៉ូលិស​ប៉ុស្តិ៍​រដ្ឋបាល​បាន​មក​ឃាត់​ខ្លួន​បង​ប្រុស​របស់​ខ្ញុំ​ចោទ​ប្រកាន់​ពី​បទ​ជួញ​ដូរ​ផ្លូវ​ភេទ​លើ​កុមារី​ម្នាក់​ដែល​មក​សុំ​នៅ​លាងចាន​នៅ​ក្នុង​ហាង​ខារ៉ាអូខេ​តាម​ពាក្យ​បណ្តឹង​របស់​​សាច់ញាតិ​កុមារី​នោះ​ប៉ូលិស​ប៉ុស្តិ៍​រដ្ឋបាល​បាន​ឲ្យ​បង​ប្រុស​ខ្ញុំ​បង់​ប្រាក់​៥០០​ដុល្លារ​ជូន​ជន​រងគ្រោះ​តែ​ដោយសារ​តែ​គាត់​គិត​ថា​ ​គ្មាន​កំហុស​បង​ប្រុស​ខ្ញុំ​មិន​ព្រម​ឲ្យ​ ​ទើប​សមត្ថកិច្ច​ធ្វើ​សំណុំ​រឿង​បញ្ជូន​ទៅ​តុលាការ​ខេត្ត​បន្ត​ឃុំ​ខ្លួន​អស់​រយៈពេល​៣​ខែ​ទៀត​ ​ទើប​រក​បាន​មេធាវី​ការពារ​ក្តី​ដោះស្រាយ​រឿង​ក្តី​ជា​មួយ​តុលាការ​ដោយ​ចំណាយ​ថវិកា​ក្នុង​ការ​ដោះស្រាយ​អស់​ចំនួន​២​ម៉ឺន​ដុល្លារ»។​

 

លោក​បាន​បន្ត​ថា​ ​«ជា​ទូទៅ​នៅ​ក្នុង​ការ​ដោះស្រាយ​រឿង​ក្តី​នៅ​ក្នុង​តុលាការ​ភាគី​ជនជាប់​ចោទ​ ​និង​ភាគី​ជនរងគ្រោះ​ត្រូវ​តែ​ចំណាយ​ប្រាក់​អស់​យ៉ាង​ច្រើន​ដើម្បី​ឲ្យ​តុលាការ​ជួយ​រក​យុត្តិធម៌​បើ​គ្មាន​លុយ​សម្រាប់​ឲ្យ​តុលាការ​ទេ​ សំណុំ​រឿង​ត្រូវ​បង្អាក់​ទុក​ចោល​មួយ​រយៈពេល​យូរ​ទើប​ដោះស្រាយ»។​

 

លោក​បាន​និយាយ​ថា​ ​«ជា​បទពិសោធន៍​នៅ​ក្នុង​ការ​ដោះស្រាយ​រឿង​ក្តី​បង​ប្រុស​របស់ខ្ញុំ​គឺ​ត្រូវ​ចំណាយ​លុយ​អស់​យ៉ាង​ច្រើន​ ដើម្បី​ជួល​មេធាវី​ដល់​ទៅ​ ៣​នាក់​ដោយសារ​តែ​គ្រួសារ​ខ្ញុំ​មិន​សូវ​ដឹង​អំពី​នីតិវិធី​នៅ​ក្នុង​ច្បាប់​ផ្សេងៗ​ ​ហើយ​មន្ត្រី​មាន​សមត្ថកិច្ច​ ​និង​តុលាការ​អាច​ចោទ​ប្រកាន់​ដាក់​បន្ទុក​លើ​យើង​បាន​តាម​ចិត្ត»។​ ការ​ដែល​ចំណាយ​ប្រាក់​អស់​យ៉ាង​ច្រើន​ ដើម្បី​ដោះ​បង​ប្រុស​ខ្ញុំ​ឲ្យ​រួច​ពី​ការ​ឃុំ​ខ្លួន​មក​វិញ​ដោយ សារ​តែ​ក្រុមគ្រួសារ​ ​ឪពុក​ម្តាយ​របស់​ខ្ញុំ​គាត់​មាន​វិប្បដិសារី​សោកសៅ​ ​ស្រណោះ​ស្រណោក​កូន​របស់​ខ្លួន​ដែល​ត្រូវ​ជាប់​ឃុំ​ ​ហើយ​គ្មាន​អ្នក​ប្រកប​មុខ​របរ​រកស៊ី​ចិញ្ចឹម​កូន​ ​និង​គ្រួសារ។​

 

លោក​បាន​មាន​ប្រសាសន៍​ថា​ ​«អំពើ​ពុករលួយ​កើត​ឡើង​ដោយ​ប្រជាពលរដ្ឋ​មួយ​ចំនួន​មិនមាន​ចំណេះ​ដឹង​ទាក់​ទង​នឹង​ផ្នែក​ច្បាប់​ឲ្យ​បាន​ទូលំ​ទូលាយ​ដោយសារ​ពួក​គាត់​ពុំ​ទទួល​ការ​រៀន​សូត្រ​ ​និង​ការ​ផ្សព្វ ផ្សាយ​ច្បាប់​មិន​បាន​ដល់់​ពួក​គាត់​ ​ដោយ​ខ្ញុំ​សង្កេត​ឃើញ​ថា​ ​អ្នក​ទទួល​រងគ្រោះ​ភាគ​ច្រើន​គឺ​ជា​ប្រជា ពលរដ្ឋ​នៅ​តាម​ជន​បទ»។​

 

លោក​បន្ត​ថា​​ ​ប្រសិន​បើ​គ្មាន​វិធានការ​ទប់ស្កាត់​អំពើ​ពុករលួយ​ក្នុង​ប្រព័ន្ធ​តុលាការ​ឲ្យ​មាន​ប្រសិទ្ធភាព​ទេ​ទៅ​ថ្ងៃ​អនាគត ​មន្ត្រី​តុលាការ​នឹង​ប្រើ​អំណាច​តួនាទី​របស់​ខ្លួន​ក្នុង​ការ​ដោះស្រាយ​រឿង​ក្តី​របស់​ខ្លួន​មិន​ប្រកប​ដោយ​យុត្តិធម៌​ហើយ​ប្រជាពលរដ្ឋ​មិនមាន​ជំនឿ​ចិត្ត​លើ​មន្ត្រី​តុលាការ​ក្នុង​ការ​ដោះស្រាយ​រឿង​ក្តី​ឡើយ។​ ​ហើយ​អំពើ​ពុករលួយ​នឹង​បន្ត​រីករាលដាល​កាន់​តែ​ច្រើន​ឡើង​នៅ​ក្នុង​សង្គម​ពី​ជំនាន់​​មួយ​ទៅ​ជំនាន់​មួយ​ទៀត»។​

 

លោក​សុំ​សំណូមពរ​ឲ្យ​រដ្ឋសភា​ ​និង​រាជរដ្ឋាភិបាល​អនុម័ត​ច្បាប់​ប្រឆាំង​អំពើ​ពុករលួយ​ឲ្យ​បាន​ឆាប់​រហ័ស​ ​និង​ផ្សព្វផ្សាយ​ច្បាប់​នេះ​ឲ្យ​បាន​ទូលំទូលាយ​ដល់​ប្រជាពលរដ្ឋ​ ​ដើម្បី​ទប់ស្កាត់​អំពើ​ពុករលួយ​ដើម្បី​ជំរុញ​ការ​អភិវឌ្ឍន៍​ប្រទេស​ជាតិ​ឲ្យ​បាន​ជឿនលឿន​ដូច​ប្រទេស​នានា​លើ​ពិភពលោក៕​

 
Next >

ព័ត៌មានថ្ងៃនេះ

Download Khmer Unicode

អ្នកអានថ្ងៃនេះ​ : 0
សរុប​អ្នកអាន : 0
អានទំព័រ : 1871301
ទិន្នន័យចាប់ពីថ្ងៃ​ :
Totals Top 5
0 អ្នកទស្សនាមកពី​ : 171 ប្រទេស